"Zəfəran Hospital"ın Kardiologiya şöbəsinin Poliklinika, Stasionar, Kardioreanimasiya və İnvaziv Kardiologiya bölmələrində tibbi heyət fəaliyyət göstərir. Poliklinikamızda peşəkar kardioloji komanda tərəfindən ambulator kardioloq müayinəsi ilə yanaşı EKQ (elektrokardioqrafiya), EXO-KQ ( transtorakal, transezofageal və pediatrik exokardioqrafiya ), Stress test (Treadmill), Ritm Holteri (24 və ya 48 saatlıq EKQ monitorizasiyası) müayinələri aparılır.
İnvaziv kardiologiya şöbəsində koronar və periferik angioqrafiya müayinəsi (KAQ) , koronar angioplastika (balon angioplastikası və koronar stent tətbiqi), perikardiosentez (ürək kisəsindən maye boşaldılması) əməliyyatları icra edilir.
Stasionar xidmətlərimizə kardiologiya şöbəsində peşəkar tibbi komanda tərəfindən 7/ 24 saat bütün növ kardioloji xəstəliklərin müayinə və müalicəsi yönündə tibbi fəaliyyət daxildir.
Həmçinin, təcili və təxirəsalınmaz vəziyyətlər zamanı peşəkar kardioloji briqada tərəfindən Təcili Tibbi yardım xidməti və kardioreanimasion tədbirlərin aparıldığı kardioreanimasiya şöbəsi fəaliyyət göstərir.