“ZƏFƏRAN HOSPİTAL”ın laboratoriya şöbəsi 2015-ci ilin noyabr ayından fəaliyyət göstərir. Məqsədimiz daim ən yüksək səviyyəli tibbi xidmət göstərmək və hər kəsin etibar etdiyi laboratoriya olmaqdır. Hədəfimiz klinik laboratoriya sahəsindəki inkişafları yaxından izləyərək, dünya təcrübəsindən və müasir tibbi texnologiyalardan istifadə edərək, pasientlərimizin məmnuniyyətini yüksəltməkdir. Laboratoriyamız dünya standartlarına uyğun müasir avadanlıqlarla, aparıcı Avropa şirkətlərinin istehsalı olan tam avtomatlaşdırılmış cihazlarla təmin olunub. Laboratoriya sahəsində yüksək xəstə məmnuniyyətinə sahib olan laboratoriyamız elmi və praktik tətbiqlərini gündən-günə inkişaf etdirir. Analizlər ən son texnologiyalar və metodikalardan istifadə edilərək, beynəlxalq protokollara əsaslanaraq icra edilir, nəticələrin dəqiqliyi kontrol müayinələr vasitəsilə nəzarətdən keçirilir və dəqiq nəticələri ən sürətli şəkildə verməyə çalışırıq.
Laboratoriya aşağıdakı bölümlərdən ibarətdir:
Tibbi Biokimya
Hematoloji və Hemostaz
Hormon
İmmunologiya
Dərman Monitorinqi
Bakterioloji
Molekulyar Bakterioloji
Laboratoriya şöbəsinin “Mobil Express Laboratoriya” xidməti mövcuddur. “Mobil Express Laboratoriya” xidməti pasientlərin rahatlığı üçün həyata keçirilir. Xidmətin funksiyasına evlərdən və iş yerlərində laborator analizlərin götürülməsi daxildir. Bu xidmət yerindən qalxa bilməyən, vaxt məhdudiyyəti olan, yolu uzaq olan, iş vaxtı gələ bilməyən və klinikaya istənilən səbəbdən gələ bilməyən pasientlər üçün nəzərdə tutulub.
Laboratoriyamiz 7/24 saat fəaliyyət göstərir.